Një aksident i dyfishtë është regjistruar në aksin rrugor Lezhë-Laç.
Mësohet se dy automjete janë përplasur me njëra-tjetrën ku për pasojë ka mbetur vdekur një person.
Sipas raportimeve, fillimisht 65-vjeçari u plagos rëndë dhe më pas u transferua me urgjencë në Spitalin e Traumës por nuk ka mundur tu shpëtojë plagëve të marra. Ai ka qenë duke drejtuar një triçikel i cili është përplasur me pjesën e parme të një trajleri.
“Lezhë/Informacion paraprak. Rreth orës 10:00, në aksin rrugor “Lezhë-Laç”, janë përplasur mjeti kamion me drejtues shtetasin Sh. B. dhe mjeti me drejtues shtetasin D. T. Nga aksidenti ka humbur jetën shtetasi D. T., rreth 65 vjeç. Me drejtuesin e kamionit, shtetasin Sh. B., po kryhen veprimet procedurale. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.
