Adrian Bajrami ka zgjatur kontratën me Benfica-n në Portugali. Mbrojtësi shqiptar, ka firmosur rinovimin deri në verën e vitit 2029.
Pjesë e Benfica-s nga viti 2018, Bajrami kishte kontratë deri në vitin 2026, por drejtuesit kanë vendosur të zgjasin bashkëpunimin.
Sezonin e kaluar, Bajrami luajti 29 ndeshje me Benfica B, ndërsa shpreson të luajë më shumë me ekipin e parë.
22-vjeçari është pjesë e Kombëtares shqiptare, aty ku hapësirat për të kanë qenë të pakta, për shkak të konkurrencës së madhe në prapavijë.
