Deputetja e Partisë së Lirisë, Monika Kryemadhi pasi u paraqit në GJKKO, ka deklaruar se gjykata ka vendosur që të heqë sekuestron ndaj banesës së mamasë së saj Fatime Kryemadhi.
Ndërsa për banesën e saj, Kryemadhi tha se do të shkojë deri në Gjykatën e Strasburgut.
Për mediat, Kryemadhi deklaroi se vendimi është një hakmarrje për shkak të denoncimeve për inceneratorin e Tiranës.
“Banesat ku banoj unë dhe mamaja ime, janë të përfituara në mënyrë të ligjshme dhe sot gjyqtarja për mamanë time, Fatime Kryemadhi akuzohej nga SPAK se pse, kishte marrë një kredi në 2010, sot gjykata ja liroi banesën e saj.
Ndërsa për mua normalisht do të vazhdojë të jetë në sekuestro dhe unë do të vazhdoj të bëjë rekurse.
Unë jam bashkëpunëtore në inceneratorin e Tiranës, që besoj se e dini shumë mirë që akoma nuk ka një zgjidhje. Është një hakmarrje përsa i përket inceneratorit të Tiranës. Është një betejë ligjore që do durim.
Absolutisht si banesa e imja dhe mamasë, e pranoi dhe prokurori, janë të dyja të përfituara në mënyrë të ligjshme. Unë kam një avantazh se, futem më pa radhë në Gjykatën e Strasburgut se mamaja ime.
Unë e kam marrë me shkëmbim banesën“, tha ndër të tjera deputetja e Partisë së Lirisë, Monika Kryemadhi.
