Një aksident është shënuar mbrëmjen e sotme në aksin nacional Korçë-Pogradec, në afërsi të fshatit Libonik.
Sipas informacioneve paraprake, një mjet ka dalë nga rruga, është përplasur me barrierat mbrojtëse dhe ka përfunduar në një parcelë pranë rrugës.
Në mjet ndodheshin tre persona, të cilët kanë pësuar lëndime, por fatmirësisht ndodhen jashtë rrezikut për jetën.
Policia ndodhet në vendngjarje dhe po punon për zbardhjen e rrethanave të aksidentit.
