Një ngjarje horror ka ndodhur në Austri ku futbollisti Guido Burgstaller është sulmuar. Një person akoma i paidentifikuar sulmoi 35-vjeçarin, ndërsa klubi i Rapidit të Vjenës ka njoftuar se lojtari i tyre ka fraktura dhe probleme serioze në kokë.
Siç Rapidi raporton, lojtari i tyre u sulmua fizikisht të dielën ndërsa kishte dhe dëshmitarë të pranishëm. Gjithçka ndodhi në qendrën e kryeqytetit austriak.
Aktualisht Burgstaller ndodhet në spital dhe do të qëndrojë aty nën vëzhgim, ndërsa nuk pritet të jetë i gatshëm për disa muaj. Klubi në Vjenë të Austrisë i ka bërë thirrje autoriteteve për gjetjen e autorit.
Hamdi Salihi ka qenë shok skuadre me të në klubin e Rapidit para 13 viteve. Madje një gol i ish-sulmuesit shqiptar është asistuar nga austriaku.
Guido Burgstaller numëron 26 ndeshje me Austrinë, ku ka shënuar edhe dy gola.
