Banorët e Postribës jana ngritur ditën e sotme në protestë për ujin e pijshëm dhe ndërprerjet e energjisë elektrike. Sipas tyre, uji i pijshëm është i ndotur.
Me pankarta në duar, ato protestuan para godinës së Bashkisë Shkodër, teksa hedhin poshtë pretendimin e bashkisë për investim në rrjetin e ujësjellësit në këtë zonë. Banorët shprehen se do të vijojnë me protestat e tyre dhe nuk do të ndalen.
Ato shtojnë se prej 1 viti, pavarësisht denoncimit nga ana e tyre, ende nuk kanë marrë asnjë përgjigje nga prokuroria për problematikën e ujit të pijshëm dhe ndihen si zonë e persekutuar.
Më pas, banorët e Postribës zhvilluan edhe një marshim në pedonalen e qytetit të Shkodrës, me kërkesën për zgjidhjen e problematikave të tyre.
