9 anëtarë të një organizate kriminale, u gjykuan në Rennes këtë javë për rolin e tyre në trafikun e drogës midis Finistère në Francë, Shqipërisë, Luksemburgut dhe Spanjës.
Mediat franceze shkruajnë se mes tyre ndodhej edhe një studente e quajtur Typhaine, e cila u dënua dje, me 5 vjet burg. Një tjetër protagonist, në arrati, i quajtur Eduard me banim në Spanjë, u dënua me 8 vjet burg.
Sipas prokurorisë publike të Rennes, Typhaine kishte udhëtuar deri në Spanjë, Shqipëri dhe Luksemburg. Hetuesit e kishin zbuluar “duke ngarkuar çanta”, “duke i dorëzuar” protagonistëve të tjerë të çështjes apo edhe “trajtim të kartëmonedhave “. Para arrestimit, pasuar nga nëntëmbëdhjetë muaj paraburgim, e reja studionte, në vitin e parë të diplomës së Administratës Ekonomike dhe Sociale (AES), në veçanti për “Statistikë” dhe “Historia e ekonomisë”.
Çmontimi i shërbimit të koduar kanadez të mesazheve “Sky ECC” bëri të mundur edhe zbulimin e bisedave që sugjeronin se nëntë të dyshuarit, disa prej të cilëve ishin me origjinë shqiptare, importonin lëndë narkotike nga Spanja, ku “Eduardi”, protagonisti kryesor i kësaj çështjeje, aktualisht ishte në arrati. Ai do të duhet të vuajë 8 vite burg, ditën kur urdhërarresti i tij jep frytet e tij. Të pandehurit e tjerë morën dënime me kusht.
