Dinamo është rikthyer në kryesimin e Superiores me pikë të barabarta me Vllazninë, pasi ka siguruar një sukses në derbin përballë Tiranës.
Blutë e Ilir Dajës triumfuan 2-1 në ndeshjen e luajtur në “Elbasan Arena” duke i shkaktuar humbjen e parë Gugash Maganit që nga momenti kur është ulur në stolinë e bardhebluve.
Në pjesën e parë, dinamovitët kaluan në epërsi të dyfishtë pas golave të Qefalisë dhe Nanit. Në të 86-tën, gol shprese nga Ndreca, por në fund shërbeu vetëm për statistikë.
Ekipi i Dajës kryeson me 31 pikë, ndërsa bardheblutë e Maganit janë në vendin e shtatë.
