GJKKO ka rrëzuar kërkesën e Suel Çelës për heqjen e masës së parë të sigurisë “arrest në burg”, të caktuar ndaj tij në maj të vitit 2022, pas operacionit “Plumbi i Artë”.
Për Çelën është në fuqi edhe një masë e dytë sigurie ku ai akuzohet si drejtues i një organizate kriminale.
Çela, i njohur ndryshe si Marjus Lula u shpall në kërkim pas dëshmisë së Nuredin Dumanit. Sipas SPAK ai porositi vrasjen e biznesmenit Lulzim Masha pranë Liqenit Artificial, vrasje që nuk u realizua.
Po ashtu përgjimet e Sky Ecc zbuluan se ai dyshohet se ka porositur edhe vrasjen e Elton Kilës dhe Ardjan Çapjas.
Në kuadër të këtyre hetimeve, dy javë më parë GJKKO i caktoi masën e sigurisë “arrest në burg”, si kreu i një organizate kriminale, ku akuzohet për krime të shumta, përfshirë dhe trafikun e kokainës nga Amerika Latine.
