Një e moshuar rreth të 80-ave është gjetur e pa shenja jete mëngjesin e kësaj të premteje në apartamentin e saj në lagjen nr. 15 të qytetit të Korçës.
Mësohet se viktima jetonte e vetme në lagjen periferike të qytetit juglindor. Burime bëjnë me dije se kanë qenë fqinjët ata që kanë lajmëruar autoritetet për të hapur derën, pasi nuk kanë mundur të komunikojnë me të prej disa ditësh.
Me hapjen e derës me forcë është konstatuar dhe trupi i pajetë i 80-vjeçares dhe nga këqyrja paraprake e trupit nuk janë konstatuar shenja dhune çka tregon se vdekja ka ardhur për shkaqe natyrale. Dyshohet se mund të ketë ndërruar jetë prej disa ditësh.
Ky nuk është rasti i parë për të moshuar që jetojnë të vetëm gjejnë vdekjen brenda banesës për shkaqe natyrale.
