Një tjetër rast dhune mes të miturve është regjistruar, kësaj here në Shkodër. Mësohet se një 15-vjeçar është proceduar pasi ka kanosur me thikë, një 13-vjeçar, për motive të dobëta.
Ndërkohë, mjeti prerës u sekuestrua në cilësinë e provës materiale.
“Komisariati i Policisë Shkodër referoi materialet në Prokurori, ku nisi procedimi penal për një shtetas 15 vjeç, pasi ka kanosur me mjet prerës (thikë), një 13-vjeçar, për motive të dobëta. Mjeti prerës u sekuestrua në cilësinë e provës materiale.“– njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
