Një shqiptar ka humbur jetën tragjikisht në vendin e punës në një provincë të Frosinones në Itali.
Viktima është 53-vjeçari Lulzim Buci, banues në Fiorenzuola d’Arda në zonën e Piacenza-s dhe punonjës i një kompanie në Imola.
Mediat përtje Adriatikut raportojnë se shqiptari po punonte me një koleg në çatinë e një magazine për të hequr disa fletë azbesti, kur tavani prej betoni u shemb dhe të dy ranë nga lartësia.
Për Lulzim Bucin nuk mund të bëhej asgjë, pasi ndërroi jetë në vendin e ngjarjes, ndërkohë që punëtori tjetër (31-vjeçari maroken punonjës i së njëjtës kompani) u transferua me ambulancë në spitalin e Romës.
Autoritetet italiane po hetojnë për zbardhjen e plotë të rrethanave të ngjarjes.
