Një 27-vjeçar shqiptar është dënuar me 15 vite burg në Danimarkë. Mësohet se Mustafa Xhaferaj ishte pjesë e trafikut të 500kg kokainë. Gjithashtu mediat e huaja bëjnë të ditur se Xhaferaj është një nga personat që policia arrestoi në fund të gushtit.
Ndërsa gjashtë persona të tjerë dyshohet se kanë pasur rol në marrjen e sasisë së madhe, e cila peshonte 578 kilogramë. Po ashtu 27-vjeçari tha në seancën gjyqësore të së mërkurës se në Belgjikë kishte rënë dakord të bënte një punë në Danimarkë, ku duhej të pranonte disa “mallra”.
Ndërkohë prokurorja speciale Annika Jensen ka deklaruar se gjykata i ka dhënë 27-vjeçarit një zbritje të caktuar në dënim, që përndryshe do të ishte 17 deri në 18 vite. Sipas saj kjo zbutja është për shkak të rolit vartës të shqiptarit dhe faktit që ai ka zgjedhur të rrëfehet.
