Një aksident i rëndë është shënuar mëngjesin e kësaj të mërkure në aksin Pogradec-Qafë Thanë ku dy mjete janë përplasur me njëra-tjetrën.
Automjeti tip “Volswagen” me drejtues shtetasin M. K., është përplasur me automjetin tip “Peugeot” me drejtues shtetasin V. P.
Si pasojë e aksidentit ka ndërruar jetë shoferi i automjetit tip “Volswagen” dhe kanë mbetur të plagosur shoferi i mjetit tjetër së bashku me gruan e tij.
“Rreth orës 08:30, në aksin rrugor “Pogradec-Qafë Thanë”, ne afërsi të fshatit Pojskë, automjeti tip “Volswagen” me drejtues shtetasin M. K., është përplasur me automjetin tip “Peugeot” me drejtues shtetasin V. P.
Si pasojë e përplasjes ka ndëruar jetë shtetasi M. K., dhe kanë ngelur të dëmtuar shtetasi V. P., dhe bashkëshortja e tij pasagjer në automjet.”- njofton policia.
Grupi hetimor ndodhet në venngjarje për të zbardhur shkaqet e aksidentit.
