Një sasi prej 672 kilogramë kokaine në një kontejner të ngarkuar me kafe me origjinë nga Kolumbia, u gjet nga policia në Antwerp të Belgjikës, ku një shqiptar dhe 4 belgë u arrestuan.
Mediat belge shkruajnë se nga hetimet u zbulua një 29-vjeçar, i cili dyshohet se i përkiste një organizate që planifikonte trafikun e një ngarkese kokaine.
Të arrestuarit donin të merrnin sasinë e drogës pasi mbërriti në port. Por, forcat e Policisë punuan së bashku për të kapur kontejnerin e mbushur me drogë.
Ndaj të dyshuarve janë vendosur masat e sigurisë. Ata akuzohen për trafikim të lëndëve narkotike në bashkëpunim.
