Liverpool nuk di të ndalet në Champions League, merr fitoren e 6-të radhazi. “The Reds” kanë mposhtur në transfertë Gironën me rezultatin minimal 1-0 falë golit të Mohamed Salah nga pika e bardhë e penalltisë.
Pjesa e parë në Spanjë ishte e luajtur mirë nga të dyja ekipet duke mo arritur të kërcënojnë njëra-tjetrën, por shkuan në dhomat e zhveshjes me rrjeta të paprekura.
Ndërsa në pjesën e dytë, Liverpool arriti të gjejë avantazhin falë një penalltie të realizuar në gol nga ylli egjiptian. Ekipi i Arne Slot e sheh veten sërish në vendin e parë të tabelës së Champions League me 18 pikë të plota.
Përsa i përket Dinamo Zagrebit dhe Celtic, këto të fundit u ndalën në një barazim pa gola. Ekipi i Arbër Hoxhës e gjen veten në pozitën e 21-të të tabelës me tetë pikë duke shpresuar për një vend në Play-Off, ndërsa Celtic në vendin e 17-të me një pikë më shumë se Dinamo Zagrebi.
