Për të punuar tokat e tyre, që të mund të bëjnë mbjelljen e drithrave apo kultivimin e frutave dhe perimeve, në vend për të mbushur nevojat e 550 fermerëve, shërben mesatarisht një traktor bujqësor.
Ky është një tregues i qartë i faktit se, edhe pse bujqësia është një sektor kyç për ekonominë e vendit, mundësitë për përdorimin e teknologjisë moderne janë ende të kufizuara për shumë fermerë.
Të dhënat për popullsinë banuese në zonat rurale, të kryqëzuara me numrin e traktorëve aktivë, nga Drejtoria e Përgjithshme e Shërbimeve dhe Transportit Rrugor, tregojnë se një traktor është në gatishmëri për rreth 550 fermerë.
Sipas DPSHTRR, deri më tani numërohen rreth 2000 traktorë në të gjithë territorin e Shqipërisë, teksa përmenden gjithashtu edhe 1470 mjete të tjera bujqësore që shërbejnë kryesisht për pjesën e korrjes së drithrave.
Ajo çfarë vërehet nga të dhënat është se importi i traktorëve bujqësor është rritur në mënyrë progresive gjatë viteve të fundit, me një përjashtim të vetëm, vitin aktual.
Nëse marrim si periudhë kohore janar-tetor, vërehet se nga 209 traktorë bujqësorë të importuar në vitin 2021, numri ka arritur në rreth 519 gjatë 10 muajve të parë të vitit 2024.
Kjo rritje tregon një interes të shtuar për modernizimin e bujqësisë dhe një përpjekje për të përballuar sfidat e vazhdueshme të prodhimit në fushat e drithërave dhe kulturave të tjera./SCAN
