Karabinierët e komisariatit të Casalottit në Romë të Italisë kanë arrestuar një 37-vjeçar shqiptar, i cili akuzohet për ngacmimin seksual të një nxënëseje të mitur italiane.
Mediat vendase raportojnë se sipas hetimeve, i dyshuari gjithnjë në të njëjtën ndalesë, në Via di Casalotti, në mëngjes, hipte në autobusin e mbushur me studentë dhe ka vënë në shënjestër të miturën, përmes kontakteve të përsëritura fizike. Episodi i fundit ndodhi pak ditë më parë.
E mitura e ka kundërshtuar dhe e përlotur ka telefonuar nënën e saj, me të cilën ka shkuar në komisariat për të raportuar se çfarë kishte ndodhur. Policia italiane nisi menjëherë kërkimet për identifikimin dhe kapjen e të dyshuarit.
Teksa këtë fillimjavë, sapo shqiptari iu afrua sërish të miturës, kanë ndërhyrë efektivët e veshur si civilë, duke e arrestuar
Shqiptari u dërgua në burgun Regina Coeli, ku Gjykata e Romës aprovoi arrestimin dhe urdhëroi vendosjen e tij në paraburgim.
