Ngjarja horror e zbardhur nga policia greke me protagonist një çift nga fshati Shën Pjetër në Fier, ka lënë të shokuar të afërmit dhe fqinjët e familjes. Krimi i rëndë ndodhi pak ditë më parë në Athinë, ku
Alba Cenko u gjet e pajetë në papafingon e shtëpisë, ndërsa rezultoi se ishte vrarë me çekiç nga bashkëshorti i saj, 39-vjeçari Kastriot Cenko.
“Ishin çift pa kontradita. Mund të ketë patur konflikte të brendshme që kanë çuar në këtë situatë ekstreme. Jemi shokuar dhe nuk na bëjnë duart për asgjë”, pohojnë mes lotësh fqinjët e familjes Cenko në Fier.
Çifti kishte dy fëmijë, 9 dhe 12 vjeç të cilët ndodheshin në banesë teksa ndodhi krimi. “Na vjen keq për fëmijët” thonë të afërmit, pasi nuk e dinin se jetonin me kufomën e nënës në shtëpi.
Ndërkohë në familjen e së ndjerës në Çermë-Proshkë të Lushnjës, familja ka hapur dyert e mortit.
