Liverpool po has në vështirësi të mëdha për të rinovuar kontratat e lojtarëve, të cilët në verën e vitit të ardhshëm do të jenë lojtarë të lirë.
Trent Alexander-Arnold deri tani nuk e ka hedhur firmën, pavarësisht se Liverpool ka bërë dy tentativa për ta bindur me një kontratë të re.
Ndërkohë, Virgil van Dijk raportohet se është ndier i fyer kur ka lexuar kushtet e reja në kontratën e ofruar nga klubi anglez. Për të parashikohet ulje e ndjeshme e pagës dhe holandezi nuk pranon.
Ndërkohë, Luis Diaz është zhgënjyer nga paga e ofruar nga Liverpool, 40 mijë paundë në javë. Kolumbiani ka pritur një kontratë me kushte shumë më të përmirësuara, gjë që deri tani nuk ka ndodhur.
