Dinamo ka marrë një fitore shumë të rëndësishme në një ndeshje të mbyllur në mënyrë dramatike me shifrat 3-2 në “Loro Boriçi” përballë Vllaznisë vendase.
Një sfidë pa shumë histori në Shkodër, ku kryeqytetasit ishin dominues nga fillimi deri në fund. Takimi i zhbllokua nga Baton Zabërgja në minutën e 28-të.
Sulmuesi më në formë i momentit në Superligë, realizoi një supergol në hyrje të zonës, duke shtangur portierin Qarri.
Dy golat e tjerë u shënuan nga portugezi Nani, në minutat 44 dhe 60. Vllaznia u zgjua vetëm në fund, duke shënuar dy gola në tre minuta, me Çobën dhe Spahijan, por nuk mjaftuan për të ndryshuar rrjedhën e ndeshjes.
Me këtë sukses, Dinamo mban vendin e dytë në renditje me 27 pikë, ndërsa Vllaznia zbret në vendin e katërt me 25 pikë.
