Reperi Arkimed Lushaj, i njohur ndryshe si Stresi, ka kryer një shkelje rrugore të cilët e ka publikuar vetë në rrjetet sociale.
Reperi shihet teksa nget makinën luksoze në kahun e kundërt të trafikut, teksa shmang dhjetëra mjete të tjera që janë bllokuar.
Duke u futur kundravajtje, ai i bën shenjë me drita shoferëve që i vijnë përballë që t’i hapin rrugën, duke rrezikuar jetën e tyre, pasi mund të përplasej.
“Me mua nuk ekziston trafiku”, shkruan Stresi në rrjetet sociale.
Policia nuk ka reaguar ende për këtë shkelje të rrezikshme nga ana e reperit.
