Një sherr masiv me sende të forta mes disa personave është regjistruar pasditen e kësaj të mërkure në Tiranë, ku për pasojë janë plagosur tre prej tyre.
Autoritetet policore raportojnë se janë konfliktuar shtetasit Sh. H., dhe K. H., me shtetasit F. C., G. Z., dhe S. Z. Ngjarja ka ndodhur rreth orës 16:50, në rrugën “Thoma Koxhaj”.
Si pasojë e sherrit kanë mbetur të plagosur shtetasit F. C., G. Z. dhe S. Z. të cilët ndodhen në spital, nën kujdesin e mjekëve, ndërsa shtetasit Sh. H. dhe K. H., janë shoqëruar në komisariat për veprime të mëtejshme.
Grupi hetimor po punon për sqarimin e rrethanave të konfliktit.
