Kreu i PD-së Sali Berisha ka paralajmëruar se ndërtimet në pronat e ushtrisë do të prishen.
Berisha hodhi akuza mbi Presidentin Bajram Begaj, për të cilin tha se është aksioner në bazat e ushtrisë, që sipas tij do të iu falen oligarkëve.
Ndërsa më tej kryedemokrati theksoi se PD në pushtet do të anulojë të gjitha ndërtimet.
“Anulim i të gjithave, pa asnjë diskutim dhe i rikthim i ushtrisë. Le të fillojë ndërtimet, ato prishen pa asnjë lloj vështirësie.
Janë prona të ushtrisë në planin e përhapjes dhe nuk mund të jepen kurrë. Për të justifikuar veten tha se do të jepen për turizëm. Por kush e bëri Bajramin president? Ato prona e bënë? Sepse firmosi pa pyetur presidentin, që nuk mund të firmosej kurrë. Presidenti në Kushtetutë është kryekomnandati i ushtrisë dhe çdo objekt që ndodhet në planin e përhapjes së FA, Saranda ka qenë, Shëngjini ka qenë, jo në të gjithë madhësinë, Durrësi ka qenë, ky do që të gjitha ti marrë dhe të ndërtojë, Është vetë aksioner.
Qëndrimi i PD është kundër dorëzimit të bazave të ushtrisë”, tha Berisha pas daljes nga Parlamenti.
