Policia Metropolitane e Londrës ka publikuar sekuencën e plotë të tentativës së vjedhjes së makinës së Mesut Özil, në të cilën Sead Kolasinac, bashkëlojtari i tij në Arsenal, u përball me sulmuesit, edhe pse ata mbanin një send të mprehtë.
Krimineli që në vitin 2019 tentoi të grabiste futbollistët Mesut Özil dhe Sead Kolasinac në Childs Hill (Londër), kur ata luanin për Arsenalin, ka thyer heshtjen, pasi u lirua nga burgu. Ashley Smith dhe bashkëpunëtori i tij, Jordan Northover, u burgosën katër muaj më vonë, ku i pari mori një dënim 10-vjeçar.
Ashley Smith, me nofkën Ashman, shpjegoi në ‘podcastin BlueTick’, se “ne ishim me motorr dhe pamë Özil me Kolasinac në G Wagon. U ndala dhe partneri im u përpoq ta kapte atë… Nuk ishte as një thikë, ishte një gjilpërë thurjeje. Ne ishim shumë të uritur. Nuk shkoi siç ishte planifikuar”.
Sead Kolasinac u kthye për t’u përballur me sulmuesit dhe parandaloi grabitjen, ndërsa Özil e la automjetin e tij dhe u strehua në një restorant turk pranë incidentit.
“Por ndonjëherë ju mund të fitoni dhe nganjëherë humbni, e dini? Të jem i sinqertë, nuk dua të mendoj as për numrat. Do të kishim fituar të paktën 180.000 euro, lehtë,”- u shpreh ai.
Ashman pranoi se do të ishte goditja më e rëndësishme në karrierën e tij: “Kam pasur disa të mëdha, kam pasur disa të vogla. Është fat… Ti nuk e di se çfarë do të marrësh.” Fillimisht ai u dënua me 15 vjet burg për tentativë grabitjeje, por pranimi i fajësisë e uli dënimin e tij në 10 vjet.
