Detaje të reja zbardhen lidhur me ekzekutimin e Alfred Dedjas, i cili u qëllua për vdekje me armë zjarri pasditen e sotme në fshatin Ndroq, në periferi të Tiranës.
Mësohet se krimi i rëndë ka ndodhur brenda në një lokal të Ndroqit, ku viktima ishte klient. Autori është futur brenda në lokal, ka qëlluar viktimën dhe më pas është larguar në drejtim të paditur.
Sipas burimeve të policisë autori i dyshuar për krimin e rëndë është shtetasi i identifikuar Julian Gjoshi, nga Shijaku.
Mësohet se ai është 26-vjeçari Julian Gjoshi është kunati i Altin Hajrit, emër i njohur i botës së krimit, i njohur edhe për lidhjen me ish-deputetin Jurgis Çyrbja.
Emri i Julian Gjoshit ka dalë në aplikacionin e koduar “SKY ECC” kur Altin Hajri diskutonte me ish-deputetin Jurgis Çyrbja për arrestimin e tij në vitin 2021 në Tiranë.
- Çfarë thotë policia në njoftimin e shkurtër për mediat?
Policia ka dhënë informacion zyrtar për vrasjen në Ndroq të Tiranës.
Efektivët shprehen se viktimë ka mbetur shtetasi A.D rreth 50 vjeç. Autori i dyshuar është identifikuar dhe po punohet për kapjen e tij.
“Më datë 01.12.2024, rreth orës 15:30, në një lokal në Ndroq, në rrethana ende të paqarta është vrarë me armë zjarri shtetasi A. D., rreth 50 vjeç. Autori është identifikuar nga shërbimet e Policisë dhe një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj dhe kapjen e autorit të dyshuar”, njofton policia.
Lexo edhe:
Vrasje me armë zjarri në Ndroq, autori në arrati, kush mbeti viktimë (EMRI-DETAJE)
