Egnatia ka mposhtur me rezultatin 3-1 Elbasanin në sfidën e vlefshme për javën e 15-të të Superiores.
Lushkja shënoi në pjesën e parë, pikërisht kur luhej minuta e 12-të pas një gabimi të Abalorës. Në anën tjetër Lajthia barazoi 9 minuta më vonë te verdheblutë.
Pjesa e dytë foli më pas për rrogozhinasit, të cilët fillimisht u rikthye në avantazh sërish me Lushkjen në minutën e 77-të. Jahaja i futur nga stoli në fund vulosi takimit.
Pas kësaj ndeshje, Egnatia parakalon Vllazninë dhe vendoset në vendin e dytë. 1 pikë më pak numërojnë rrogozhinasit se Partizani kryesues që luan nesër me Tiranën.
Elbasani ndërkohë nuk njeh asnjë fitore në fazën e dytë të kampionatit. Kjo ishte ndeshja e tetë pa fitore në Superiore për verdheblutë që rrezikojnë vendin e pestë.
