Kryetarja e Komunës së Preshevës, Ardita Sinani, ka organizuar një cermoni festive me rastin e 112-vjetorit të Pavarësisë së Shqipërisë ku ka pritur pjesëtar të Ambasadës së Shqipërisë në Serbi, me në krye me ambasadorin Bardhyl Canaj.
“Në këtë ditë historike, bashkë me qytetarët e Luginës, nderuam sakrificën dhe vizionin që sollën lirinë dhe Pavarësinë e kombit tone”, tha Sinani.
Ndërsa në mëngjesin e të enjtes së 28 Nëntorit ajo doli në ballkonin e Komunës së Preshevës dhe ngriti Flamurin e Shqipërisë.
“Qoftë kjo ditë simbol i krenarisë, bashkimit dhe forcës së shqiptarëve kudo në botë. Presheva sot dëshmoi sërish se është zemra e Luginës shqiptare dhe një zë i fortë i kauzës kombëtare”, tha Ardita Sinani.
