Prokuroria e Posaçme (SPAK) ka ndërmarrë një operacion kundër gazetarëve, ku ka lëshuara masa sigurimi për dy prej tyre dhe ka ushtruar kontroll në banesat e tyre gjatë natës.
Burime për mediat bëjnë me dije se bëhet fjalë për gazetarin Artan Hoxha, ndaj të cilit është caktuar masa e sigurisë “Arrest shtëpie” dhe akuzohet për veprën penale “anëtar i organizate kriminale”.
Po ashtu edhe ndaj gazetarit Elton Qyno është caktuar masa e sigurisë “detyrim paraqitje”, teksa ky i fundit akuzohet për veprën penale “korrupsion pasiv”.
Burime bëjnë me dije se bëhet fjalë për një operacion të madh, ku përfshihen edhe persona të tjerë, teksa operacioni është ende në vijim dhe nuk dihen detaje konkrete.
