Zëvendësdrejtori i Krimeve në Policinë e Tiranës, Erion Ismaili ishte i ftuaer në emisionin “Review” ku zbuloi detaje të reja rreth atentatit ndaj biznesmenit Eduart Reçi i ekzekutuar nga dy vëllezërit Florjan Duka dhe Shkëlqim Duka, ku ky i fundit i cili është oficer policie, ishte qitësi.
Sipas Ismailit, autorët hidhnin fishekzjarre për ta nxjerrë në oborr viktimën. Ai zbuloi se qitësi ishte i pozicionuar në një shkallë metalike dhe qëndromnte aty prej orës 19:00 deri në orën 23:00 dhe gjithçka është zbardhur nga kqyrja e pamjeve të kamerave të sigurisë
“Është marrë njoftimi në drejtorinë vendore të Policisë së Tiranës për rastin, është ngritur grupi hetimor, janë administruar provat materiale të gjetura në vendngjarje. Janë administruar pamjet filmike përreth vendngjarjes dhe janë bërë veprime të tjera proceduriale dhe operacionale duke u nisur edhe nga profili i viktimës.
Nuk na e merrte mendja se do ishte i përfshirë kolegu jonë, pavarësisht se e dinim që ishin komshinj. Ata kanë pasur konflikte edhe më herët bashkë. Por ky nuk ishte konflikti i vetëm që viktima ka pasur. Pika që mori kthesën ishte analizimi i pamjeve filmike. Nga pamjet filmike në kemi konstatuar që dinamika ka filluar në datën 8.11.2024 deri më datën 13 kur u ekzekutua viktima.
Kur them dinamika, personi i dyshuar, qitësi është vendosur në një shkallë metalike nga ku kishte pamje vizuale nga oborri i viktimës në datat 8, 9, 10, 12, 13 vetëm datën 11 nuk e kishim të dokumentuar për shkak se punonjësi i policisë ka qenë në detyrë tjetër. Nga kati i dytë i shkallës nga pamjet filmike na ka rezultuar një person i cili pozicionohet me një armë që në dukje është armë me dylbi, në një orar të caktuar gjatë natës nga ora 7 e pasdites deri nga ora 11. Për të nxjerrë viktimën në oborr, hidhnin fishekzjarre”,-tha Ismaili.
