Florentino Perez: Vendet e “panjohura” si Shqipëria ndikuan në rezultatin e “Topit të Artë”

Pas deklaratave të bëra ku sulmonte UEFA-n për formatin e ri të Champions, Florentino Perez, është rikthyer të flasë edhe për “Topin e Artë”.

Presidenti i Real Madrid, shprehet se Vinicius do ishte fitues i trofeut individual, nëse s’do ishin votat e katër shteteve sipas tij të “panjohura”, ku përmend Shqipërinë, Namibinë, Ugandën dhe Finlandën.

“Nëse nuk do të votonin gazetarët nga Namibia, Uganda, Shqipëria dhe Finlanda, Vinicius do të kishte fituar “Topin e Artë”. Këto vende të panjohura nuk i dhanë asnjë votë. Ne duhet të pyesim, se cilat janë kriteret e tyre për sportin”- tha ai.