Detaje të reja janë mësuar nga ngjarja e rëndë, ku një 41-vjeçar shqiptar humbi jetën në Itali si pasojë e një aksidenti në punë.
Mediat italiane shkruajnë 41-vjeçari Elton Dema i cili kishte rreth një vit që ishte shpërngulur në Itali, ka qenë duke lyer tavanin e një magazine, ku ka rënë nga një lartësi rreth 10 metra.
Fillimisht 41-vjeçari shkoi i vetëm në emigrim, e më pas iu bashkua bashkëshortja dhe 4 fëmijët e tyre, përkatësisht të moshës 13, 10, 7 dhe 5 vjeç.
I riu la pas fëmijët, partneren dhe nënën e tij. I ati i kishte vdekur 1 vit më parë.
