Një aksident masiv është regjistruar pasditen e kësaj të diele në Fushë-Milot, ku për pasojë kanë mbetur të plagosur tre shtetas kosovarë.
Autoritetet policore raportojnë se automjeti me drejtues shtetasin A. B, është përplasur me automjetin me drejtuesen shtetasen J. M. dhe me automjetin me drejtues shtetasin A. Sh.
Si pasojë e aksidentit kanë mbetur të plagosur tre pasagjerët në automjetin e shtetasit A. Sh., konkretisht shtetasja Z. H., 40 vjeçe, dhe shtetasja L. B., 40 vjeçe, si dhe shtetasi A. R., 48 vjeç, banues në Gjilan të Kosovës
Mësohet se tre të plagosurit janë dërguar me urgjencë në spitalin e Traumës në Tiranë për ndihmë mjekësore dhe ndodhen jashtë rrezikut për jetën.
Policia raporton se drejtuesi i automjetit, shtetasi A. B., 38 vjeç, banues në Kurbin është shoqëruar në komisariat për veprime të mëtejshme.
Grupi hetimor po punon për sqarimin e rrethanave dhe shkakut të aksidentit.
