Një ngjarje e rëndë është regjistruar në Tropojë.
Policia bën me dije se mesditën e së premtes në një lokal në fshatin Dojan, dyshohet se shtetasi F. M (35 vjeç), për motive të dobëta, ka qëlluar me armë zjarri shtetasin me iniciale A. D., i cili ka ndërruar jetë.
Dy grupe të gatshme të forcave operacionale nisen drejt Tropojës me qëllim lokalizimin dhe arrestimin e autorit.
“Rreth orës 13:40, në një lokal në fshatin Dojan, dyshohet se shtetasi F. M., rreth 35 vjeç, për motive të dobëta, ka qëlluar me armë zjarri shtetasin A. D., rreth 43 vjeç, i cili për pasojë ka ndërruar jetë.
Në drejtim të Tropojës janë nisur forcat operacionale të DVP Kukës, specialistët e Hetimit të Krimeve, dhe dy grupe të Forcës Kombëtare të Sigurisë Njësia Shkodër, për lokalizimin dhe kapjen e autorit.
Ndërkohë, grupi hetimor nën drejtimin e Prokurorisë vijon punën për zbardhjen dhe dokumentimin e plotë ligjor të këtij rasti, si dhe shoqërimin e personave të tjerë të përfshirë në këtë ngjarje“, njofton policia.
