Pas përfundimit të ndeshjeve të fundit të Nations League, rikthehet kampionati Kategoria Superiore me takimet e javës së 14-të.
Të shtunën do të luhen dy ndeshjet e para në orën 17:00. Në stadiumin “Loro Boriçi” Vllaznia do të përballet me Teutën, ndërsa Skënderbeu pret në shtëpi Dinamon.
Java e 14-të do të ulë siparin të dielën me tre takimet e fundit. Ndeshja e parë e ditës është Bylis – Egnatia, që do të luhet në stadiumin “Adush Muça”, në orën 13:30.
Dy sfidat e fundit do të zhvillohen në 17:00. Partizani pret Laçin në “Arenën e Demave”, ndërsa në stadiumin “Elbasan Arena” do të luhet takimi i zjarrtë AF Elbasani – Tirana.
