Aron Demiraj është identifikuar studenti i cili mbeti i plagosur nga sherri me thika mesditën sotme në “Qytetin Studenti”.
I riu është transportuar për ndihmë mjekësore te Spitali i Traumës, ku bëhet me dije se ndodhet jashtë rrezikut për jetën.
Ndërkohë policia bën me dije se konflikti ka ndodhur mes Aron Demirajt, 20 vjeç dhe shtetasit me iniciale A.A., (19 vjeç)
Ngjarja ka ndodhur në Qytet Studenti në rrugën “Sotir Kolea”.
“Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve”, njofton policia.
