Kombëtarja shqiptare e futbollit do të luajë sonte në mbrëmje në orën 20:45 në “Air Albania” ndeshjen e fundit të Grupit B1 të Ligës së Kombeve kundër Ukrainës.
Kuqezinjtë do të synojnë fitoren dhe të shpresojnë te barazimi i Çekisë me Ukrainën, për të siguruar vendin e parë në grup, që do t’i mundësonte kualifikimin në Ligën A.
Skuadra e Silvinjos do të kenë si përherë mbështetjen e tifozëve, që pritet të jenë të shumtë në numër. Edhe pse reshjet e shiut kanë filluar në Tiranë, moti nuk i ka trembur tifozët e Kombëtares që janë grumbulluar dhe nisur drejt “Air Albanias”.
Në 20:45 fillon Shqipëri – Ukrainë dhe kryeqyteti është veshur kuqezi, me këngë patriotike, festë dhe flakadanë.
