Forca të shumta policore janë pozicionuar në selinë e Parlamentit, aty ku në orën 17:00 opozita do të protestojë ndërsa Kuvendi do të votojë projektbuxhetin 2025.
Policë me skafandra dhe mburoja janë pozicionuar brenda rrethimit të Kuvendit, ndërsa pamjet e mëposhtme tregojnë përqëndrimin e lartë të uniformave blu.
Po ashtu, në mjediset e Kuvendit është pozicionuar edhe një prej automjeteve që hedh ujë me presion, në kuadër të një plani masash që Policia përdor sa herë që ka protesta.
Nuk ka ende informacione për mënyrën se si do të mbahet protesta dhe se sa kohë mund të zgjasë.
