Ish-bomberi i Kombëtares, Erjon Bogdani, foli në prag të duelit Shqipëri-Ukrainë.
Në prononcimin e tij, Bogu analizoi këtë duel, teksa u shpreh se Kombëtares i mungon faza sulmuese.
Ai e quan sfidën e cila starton në orën 20:45 si një finale për kuqezinjtë ndërsa përshëndet zgjedhjen e Silvinjos për aktivizimin e Muçit nga minuta e parë.
“Mënyra si luan Silvinjo ndikon te gola. Kësaj Kombëtareje i mungon faza sulmuese. Grupi është i fortë, i hekurt, sot do ta quaja si një finale. Sot do ta shikojmë sa e pjekur është kjo skuadër. Duhet të tregohemi më të kujdesshëm në mbrojtje dhe të sulmojmë. Një ndeshje për ta fituar. Zgjedhja e Muçit është e duhura, publiku do ta shikojë. Mendoj se Bajrami mund të ketë shpenzuar shumë”, deklaroi Bogdani për “TV Klan”.
