Kapiteni i Kombëtares, Ardian Ismajli, doli në konferencën e zakonshme për shtyp në prag të duelit ndaj Ukrainës, për t’iu përgjigjur pyetjeve të gazetarëve.
Ndër të tjera qendërmbrojtësi kuqezi u shpreh:
“Ne do të futemi në fushë vetëm për fitore. Ne do presim që këtë herë të kemi fat për një barazim në ndeshjen tjetër dhe nëse ne fitojmë, mund të dalim në vendin e parë.
Merkato? Nuk kisha dëshirë të flisja për merkaton, kemi ndeshje të rëndësishme, mbas kombëtares do e shikoni se çfarë do të ndodhë në janari.
Dovbyk? Nuk ka rival të lehtë. E dijmë kualitetin e këtij lojtari por nuk kemi frikë. Në këtë periudhë kemi bërë mirë.
Rëndësi ka fitorja. Nuk ka rëndësi se kush shënon. Nëse do jetë nevoja, edhe unë mund të realizoj.
Mbështetja e tifozëve…
Fortesa e “Air Albania” është ajo ku kemi pësuar vetëm një gol e një humbje në dy vitet e fundit, ajo ndaj Gjeorgjisë. Avantazhi i tifozëve është jashtëzakonisht i madh. E patë edhe vetë të shtunën se ccfarë përkrahje kemi pasur. Jam i sigurt që do të kemi nesër edhe mbështetje më të madhe dhe do të kënaqemi me një fitore.
Mbrojtja ka punë gjithmonë dhe kemi të bëjmë me sulmues shumë të fortë si në ajër e tokë. Me Çekinë në ndeshjen e e parë nuk është se e njihnim mirë sulmuesin Hori. Në ndeshjen e dytë e patë që morëm masa dhe shikuam video e analizuam. Ia dolëm, shpresojmë që nesër t’ia dalim edhe me fitore.
Jam i sigurt se djemtë do bëjnë maksimumin dhe do shënojnë, pasi është ndeshja më e rëndësishme. Ne do bëjmë më të mirën për kombin”.
Çfarë duhet të bëjmë me Ukrainën? Duhet të bëjmë gola, kështu është futbolli. Kemi mbrojtur mirë, por kemi pasur ngërç në sulm. Çunat nesër do të bëjnë maksimumin dhe do të shënojnë. Është ndeshja më e rëndësishme e grupit. Jam i bindur që nesër do të shënojnë sulmuesit dhe do të bëjnë më të mirën për fansat dhe ishalla kapim vendin e parë
