Sekretari i Përgjithshëm i Partisë ‘Lëvizja Shqipëria Bëhet’, avokati Elton Laska, në një reagim në Facebook, shprehet me ironi se ministri Ulsi Manja i cili shkriu Gjykatën dhe Prokurorinë e Kurbinit tashmë vjen si babagjyshi i vitit të ri për propagandë!
Laska shprehet se është e papranueshme që ministri i Drejtësisë Ulsi Manja i dosjes 184 të shfrytëzojë një proces kaq të ndjeshëm si ndarja e apartamenteve të rindërtimit për përfitime politike.
Avokati thekson se kjo sjellje e Ulsi Manjës cënon dinjitetin e qytetarëve dhe besimin në institucione!
Reagimi:
Ministri që shkriu Gjykatën dhe Prokurorinë e Kurbinit vjen si babagjyshi i vitit të ri.
Është e papranueshme që ministri i Drejtësisë Ulsi Manja i dosjes 184 të shfrytëzojë një proces kaq të ndjeshëm si ndarja e apartamenteve të rindërtimit për përfitime politike.
Programi për rindërtimin i financuar nga donatorët ndërkombëtar pas tërmetit ka për qëllim të ndihmojë familjet në nevojë dhe jo të përdoret si mjet propagande apo favorizimesh elektorale.
Kjo sjellje cënon dinjitetin e qytetarëve dhe besimin në institucione. Të gjithë qytetarët meritojnë një trajtim të barabartë dhe transparent!
