Jo vetëm veriu, por reshjet e dëborës pasditen e sotme zbritën edhe në jug-lindje të vendit.
Në zonën e jug-lindjes pas orëve të mesditës reshjet e shiut kthehen në reshje dëbore me intensitet të ulët dhe mesatar në lartësitë mbi 900-1000 metër mbi nivelin e detit.
Reshjet e para të dëborës kanë filluar në fshatin Shtyllë të njësisë administrative Vithkuq të bashkisë Korçë.
Gjithashtu reshjet me të dendura të dëborës kanë qenë prezent edhe në zonat e tjera malore përfshi këtu edhe majën e Bigllës në afërsi të fshatit Dardhë.
Deri tani nuk raportohen probleme përsa i përket qarkullimit të mjeteve.
