Kryedemokrati Sali Berisha, në tubimin qytetar tek “Rrugica e Shpresës”, deklaron se Edi Rama i ka dhënë Turjan Hyskos 77 mijë metër katrorë tokë publike.
Berisha e paralajmëron Turjan Hyskën të mos e marrë tokën pasi kurrë nuk do ta gëzojë.
Lideri opozitar shprehet se të gjithë ata që kanë marrë tokën publike, do t’u konfiskohet dhe do i rikthehet shteti,
“Do i rikthehet pronarëve, do shitet për të rritur rrogat, do shitet për të rritur pensionet, do shitet për mirëqenien”- shprehet Berisha.
Deklarata e Berishës:
I pamëshirë, të pangopur, shpërndajnë çdo ditë, vjedhin pasurinë publike.
Të gjitha me aksioner Edi Ramën, këtë monstër që nuk ngopet kurrë.
Me një vendim me firmën e tij, i jep Turjan Hyskos, këtij gjeniu, 77 mijë metër katrorë tokë publike.
Turjan, mos e merr tokën se në mënyrë absolute po të paralajmëroj nga opozita, kurrë nuk do e gëzosh.
Nuk plotëson asnjë kriter përveç kriterit plaçkitës me Edi Ramën i pasurive publike të shqiptarëve.
Ty dhe të gjithë ata që kanë marrë tokën publike, tokën e pronarëve, do t’u dalë për hundësh, do t’u konfiskohet, do i rikthehet shteti, do i rikthehet pronarëve, do shitet për të rritur rrogat, do shitet për të rritur pensionet, do shitet për mirëqenien.
Ky buxhet është buxhet mjerimi.
