Kompania “PEPA GROUP”, e cila ka fituar tenderin e Bashkisë së Tiranës për ndërtimin e shkollës 9-vjeçare “Pjetër Budi” në kryeqytet, është duke ndotur masivisht Tiranën në mes të ditës.
Siç shihet edhe në videon e mëposhtme, e gjithë rruga dhe ambienti për rreth është mbuluar nga pluhuri masiv që shkakton kompania “Pepa” duke shembur muret dhe objekte të tjera tek shkolla “Pjetër Budi”.
Kompania në fjalë po i kryen punimet në shkelje të rregullave të mjedisit dhe pa i marrë parasysh aspak faktin për ndotjen e mjedisit dhe pluhurin që thinin qytetarët kalimtarë, por edhe banorët që jetojnë në atë zonë.
Ky është një skandal që ndodh shpesh në Tiranë, teksa mungon reagimi nga Agjensia Kombëtare e Mjedisit e drejtuar nga Arta Dollani për marrjen e masave administrative ndaj kompanive që ndotin mjedisin.
Turizmi i propaganduar nga Edi Rama dhe Mirela Kumbaro nuk e gjen fare në realitet, ku mbizotëron ndotja e mjedisit, pa u shqetësuar askush dhe pa mbajtur përgjegjlsi askush.
.
Boldnews.al kontaktoi me drejtoreshën e AKM-së, Arta Dollani, e cila u shpreh se do të njoftojë Policinë, por ndërkohë një pjesë e mirë e banorëve të Tiranës e thithën pluhurin e shkaktuar nga “PEPA GROUP”, e cila e bëri të vetën duke prishur objektin në shkelje të rregullave të mjedisit.
Përse taksapaguesit shqiptarë duhet të paguajnë znj. Dollani dhe punonjësit e tjerë të Agjencisë Kombëtare të Mjedisit, kur ky insitucion nuk duhet fare i interesuar për mjedisin dhe nuk e kryen punën për të cilën paguhet?!
A është në dijeni të këtij skandali kryeministri Edi Rama dhe ministrja e Turizmit Mirela Kumabro dhe çfarë pune bën znj. Dollani kur mjedisi ndotet masivisht çdo ditë?
