Në një ditë të bukur e plot shkëlqim kur Nëntori sapo kishte hyrë, shiptarët nga anë e anës, u rimblodhen edhe njëherë në një takim entuziast të diasporës, që kesaj radhe kryeministri yne atdhetar, e mbajti në Selanik, një nga qytetet me përqëndrimin më të madh tëshiptarëve në Greqi.
Ky takim i kryeministrit me diasporën, vinte në kuader të një turi në disa qytete europiane ku ka përqëndrim shqiptarësh, pa harruar edhe takimin pak javë më parë në New York.
Organizimi i takimeve me shiptarët e diaspores, në gjithë këtë tur, ka patur një veçori. Shpalosjen në mënyrë demonstrative, të atdhetarizmit, madje herë herë me nota nacionaliste në retorikën e kryeministrit.
Kjo retorike e re, nuk mund të lërë indiferente analistët politike, që kanë pare teksa Edi Rama, në moshën 60-vjeçare është gdhire befas atdhetar.
Analistët Enton Abilekaj dhe Andi Bushati thanë për Piranjat se Edi Rama nuk mund të quhet atdhetar pasi një atdhetar jep jetën për Kombin e vet, dhe jo ta shesë atë. Në takimet e shefit te madh, nuk mund të mungonte si gjithmone, edhe Noizy, mbreti që ecën rënde me 100 kile.
Mercedesi superluksoz i reperit të njohur që e ka ndjekur këmba këmbës kryeministrin në te gjithë turin e diasporës, ishte parkuar krah gindra mjeteve të tjera me targa shqiptare që dominonin parkingun e Porto Palace Hotel. Por githashtu për të ndjekur shefin nuk mund të mungonin as drejtorët, punonjësit e administratës dhe padyshim kryetarët e bashkive.
Por për të ndjekur Ramën, nuk shkojnë vetem militantët dhe administrata. Ka edhe nga ata që duan thjeshte ta shohin… kështu për kuriozitet.
Ndërsa të moshuarit qesendisin dhe akuzojnë, me të rinjtë ngrejnë zërin jashtë sallës ku po luhet një tjeter akt i komedisë politike në ndihmë të emigrantëve që kjo e fundit i detyroi te ikin nga sytë këmbët./Emisioni Piranjat
