Trump presidenti i ri i SHBA, Republikanët thellojnë rezultatin ndaj Harris (GRAFIKU)

Nënpresidentja Kamala Harris fiton në shtetet e Nju Meksikos dhe Virxhinas.

Republikanët janë në avantazh për të fituar edhe një shumicë në Senatin e SHBA-së, duke siguruar 51 vendet që u duhen. Ndërkohë, edhe Dhomën e Përfaqësuesve e kontrollojnë republikanët me një diferencë të ngushtë.

• Trump shpall fitoren: Kjo do të jetë periudha e artë për SHBA-në

Donald Trump doli në skenë në West Palm Beach të Floridës për fjalimin e tij të fitores.

Presidenti i ri i Shteteve të Bashkuara të Amerikës e nisi fjalimin duke falënderuar mbështetësit e tij e duke thënë se “do ta ndihmojë vendin të shërohet”.

“Do të rregullojmë kufijtë tanë dhe gjithçka në lidhje me vendin tonë. Kemi kapërcyer pengesa që dukeshin të pamundura. Është një fitore politike që nuk e ka parë kurrë Amerika. Do të luftoj për çdo qytetar dhe familjen e tij, nuk do të pushoj derisa të kthejmë Amerikën e begatë që meritojmë të gjithë. Kjo do të jetë periudha e artë për SHBA-në”, tha Trump.

“Duket se do të kemi kontrollin edhe të Dhomës së Përfaqësuesve. Dua të falënderoj edhe gruan time të bukur, Zonjën e Parë Melania, e cila ka librin më të shitur në vend”, tha Trump, para se të përqafonte bashkëshorten e tij.

Trump u premtoi qytetarëve amerikanë se do të luftojë për një epokë të jashtëzakonshme për SHBA-në.

“Falenderoj amerikanët për nderin që më zgjodhën si presidentin e 47 dhe 45 gjithashtu. Do të luftoj për ju dhe familjet tuaja, për të ardhmen. Do të luftoj me ju me çdo mundësi që kam. Të kemi një Amerikë me presporitet që amerikanët meritojnë. Një epokë e jashtëzakonshme për Amerikën. Duke fituar shtetet kryesore, jemi në fitore edhe në Michigan Alaska etj që do të na lejojë 315 vota elektorale. Nuk kishte asnjë rrugë tjetër përveç fitores. Kemi fituar gjithashtu votën popullore që është madhështore”, tha Trump.

• Vendi kyç i fushëbetejës, Georgia u fitua nga Donald Trump

Me fitoren Donald Trump, Georgia bëhet shteti i pari që “rrëshqet” nga rezultatet e vitit 2020. Trump humbi Georgian katër vjet më parë ndaj demokratit Joe Biden me 11.779 vota, një numër që u bë i paharrueshëm pasi ai iu lut zyrtarëve zgjedhor të Georgia që ta ndihmonin të gjente një votë më shumë për të “kapërcyer” fitoren e Biden.

Ai u akuzua më vonë penalisht në Georgia në një aktakuzë gjithëpërfshirëse të shantazhit dhe u deklarua i pafajshëm.

• Zgjedhjet në SHBA/ Kamala anulon fjalimin, Trump drejt rizgjedhjes si President

Zëvendëspresidentja Kamala Harris nuk do t’u drejtohet mbështetësve sonte, por pritet të flasë nesër, tha bashkëkryetari i fushatës së saj, ndërsa rezultatet e zgjedhjeve nga i gjithë vendi vazhdojnë të vijnë.

“Ne kemi ende vota për të numëruar. Ne kemi ende shtete që nuk janë thirrur ende”, u shpreh Cedric Richmond.

Richmond iu drejtua shkurtimisht mbështetësve të Harris në kampusin e Universitetit Howard në Uashington, DC.

Njoftimi i tij vjen pasi CNN parashikoi se ish-presidenti Donald Trump do të fitojë dy nga shtetet kryesore të fushëbetejës: Karolinën e Veriut dhe Gjeorgjinë.

Richmond tha se fushata do të vazhdojë të luftojë “për t’u siguruar që çdo votë të numërohet.”

Ai falënderoi stafin e fushatës dhe vullnetarët për punën në emër të Harris.

• Donald Trump  hyn në histori si Presidenti i dytë i SHBA me 2 mandate, jo të njëpasnjëshme

Rruga e zëvendëspresidentes Kamala Harris drejt fitores po ngushtohet dhe fitimi në Pensilvani është i domosdoshëm, por ky shtet kyç gjithashtu parashikohet të fitohet nga Trump.

Donald Trump, sipas projeksioenv të jetë presidenti i parë që do të shërbejë dy mandate jo të njëpasnjëshme që nga Grover Cleveland në 1892 dhe vetëm i dyti në histori.

Ai u zgjodh për herë të parë president në vitin 2016, duke mposhtur ish-Sekretaren e Shtetit Hillary Clinton.

Trump humbi garën përballë Presidentit Joe Biden në vitin 2020 gjatë pandemisë globale të koronavirusit, por rikandidoi për Shtëpinë e Bardhë në 2024 pas një fushate gati dy-vjeçare, duke u zotuar “Ta bëjmë Amerikën të Madhe edhe një herë”.