Reperi Rigles Rajku, i njohur me emrin e artit si Noizy, ka lënë qelinë e burgut në Kosovë, vetëm një ditë pasi u vetëdorzua.
Ai akuzohet për dhunimin brutal të personazhit të TikTok-ut Medi Iseni në një klub nate në Pejë mëngjesin e 2 Gushtit.
Lajmin për lirimin nga qelia e ka bërë me dije vetë Noizy përmes një postimi në rrjetet sociale, ku krahas një video shkruan: “Respekte për drejtësinë e RKS! Rroft Trump” .
edi Iseni dyshohet se u pre në besë nga reperi tjetër shqiptar, Arkimed Lushaj, i njohur me emrin e artit si Stresi, i cili dyshohet se e kishte ftuar për ta takuar, por ndërkohë ishte një “kurth”, për ta vendosur në të njëjtin ambient me Noizyn dhe grupin e tij.
Pasi Medi Iseni dhe shoku i tij u futën në një dhomë, aty ata u përballën me Noizyn dhe 7 persona të tjerë të grupit të tij, duke u dhunuar me doreza hekuri dhe sende të forta. Pas ngjarjes ata u dërguan me urgjencë në spital me plagë të shumta në kokë dhe trup.
Për këtë ngjarje autoritetet në Kosovë lëshuan urdhër-arresti, veç Noizyt, edhe për DJ e tij Bahtjar Bajraktari, i njohur ndryshe me emrin artistik Dj Crax, si dhe për Stresin (Arkimed Lushajn), por aktualisht të tre këta persona sot janë të lirë.
