Kryetari i bashkisë së Shkodrës, Benet Beci ka qëndruar rreth 30 minuta në Prokurorinë e Posaçme.
Nuk dihet ende arsyeja e thirrjes së kryebashkiakut të Shkodrës në SPAK, ndërsa pas daljes, ai u pyet nga gazetarët, por tha se “nuk kam asnjë koment”.
Kujtojmë se Benet Beci u shpall kryetar i bashkisë së Shkodrës në zgjedhjet e 2023. Në ato kohë ai u akuza nga opozita se e fitoi këtë bashki nën mbështjetjen e fortë të bandave.
Disa ditë pas zgjedhjeve, kryedemokrati Sali Berisha e akuzoi Becin se e fitoi bashkinë Shkodër, falë mbështetjeve të tre bandave.
“Lidhja është me Edi Ramën. Benet Beci është përfaqësues. Ti vërtetë e pyet këtë? Shko në Shkodër ti. Ti them unë ty. Pëllumb Gjoka ka mbajtur në pushtim të plotë qendrat e votimit në Velipojë. Kam dërguar atje anëtarin e Këshillit Kombëtar dhe shefin e kabinetit vetëm për të evidentuar, për t’i thënë Pëllumb Gjokës që ne po të shohim se çfarë po bën. Ata kishin qendra që i kishin marrë peng dhe nuk lejonin të afrohej kush. Autokolona e Bajrave me 3 BMË të blinduara, shëtiste rrugët e Shkodrës për të mbledhur vota për Benet Becin. Tom Doshi me milionat e veta. Shkodra nuk do pranojë kurrë kthetrat e krimit mbi të. U them këtyre kriminelëve se do merrni shumë shpejt përgjigjen e merituar. Nuk mposhtet Shkodra kurrë”, tha Berisha në 16 maj 2023.
Ndërsa akuza të forta ndaj Becit lëshoi edhe ishkryebashkiaku i Shkodrës Bardh Spahia, i cili tha se Beci është përfaqësuesi i bandave në atë qytet.
“Benet Beci erdhi ne krye te bashkisë së Shkodrës siç e kam thënë vazhdimisht si përfaqësues i bandave kriminale dhe me mbështetjen e fuqishme të tyre si përfaqësues direkt i Edi Ramës bashkë më emisarët e tij Elisa Spiropali, Olsi Rama, Tomë Doshi….“, tha Spahia.
Akuzat për shpërdorim dhe përvetësim të fondeve publike
Akuza të forta ndaj Becit janë lëshuar në kohën kur ky i fundit kur mbante postin e drejtorit të Fondit Shqiptar të Zhvillimit, për shpërdorim dhe përvetësim të fondeve publike.
Miliona euro kanë avulluar ‘avulluar’ në kohën kur ky institucion drejtohej pikërisht nga Benet Beci.
Gjithashtu edhe kur Benet Beci ishte drejtor i KESH, ka pasur akuza se ai ka dhënë miliona euro në kundërshtim me ligjin.
