Arlind Bushati, i cili u ekzekutua ditën e djeshme së bashku me Hamza Licin, u tentua të ekzeutohej nga dy persona me motor pak ditë më parë, por dështuan sepse u bllokua arma.
Atentati i dështuar ndaj 23-vjeçarit ndodhi më 10 tetor, teksa i riu ishte ulur në një lokal në pedonalen e qytetit të Shkodrës.
Dy persona me motor dhe të maskuar i drejtojnë armën, por nuk qëllojnë drejt tij duke u larguar nga vendngjarja. Ndërsa personat e pranishëm në kafe ngrihen të tmerruar nga karriget.
Një ditë pas ngjarjes, më 11 tetor 2024, Arlind Bushati kallëzoi në polici se në zonën e pedonales persona të paidentifikuar që lëviznin me një motor, i kanë drejtuar një send në dukje armë zjarri.
Po ashtu mësohet se në vitin 2022 një nga bizneset e familjes Bushati ka qenë shënjestër e një shpërthimi me tritol.
