Është bërë publike video ku shihen trupat e tre viktimave dhe të plagosurit të dergjur në rrugë, në atentatin e djesheëm në shkodër.
Ndërkohë në videon e siguruar nga Boldnews.al, shihet që përveç trupave të viktimave shihet dhe makina me të cilën ata kishin udhëtuar e përplasur anash murit.
Si ndodhi atentati?
Për 150 metra, 70 sekonda, dy persona kanë qëlluar pa pushim drejt mjetit “Benz” me targa kroate duke ekzekutuar në vend Licin. Ndërkohë që nga plumbat e marrë, ka humbur jetën dhe Bushati në spital, ndërkohë që viktima tjetër Flutura Basha ndodhej me bashkëshortin me motor, në vendin dhe kohën e gabuar.
Ngjarja ndodhi pasditen e djeshme në Dobraç të Shkodrës, ku në rrugën kryesore që lidh qytetin me Malësinë e Madhe, të paktën një automjet i ka prerë rrugën një “Mercedes”-i duke qëllua me breshëri kallashnikovi mbi të. Viktimat janë Hamza Lici që vdiq në vendin e ngjarjes, Arlind Bushati i cili nërroi jetë në spital dhe Flutura Basha e cila ishte një kalimtare e rastit në atë rrugë, teksa ndodhej me bashkëshortin e saj në një motor.
Ndërkohë, ky i fundit, identifikuar si Bashkim Basha është plagosuri rëndë. Në makinën e viktimava shofer ka qenë Hamza Lici dhe pasagjer Arlind Bushati. Lici ka humbur kontrollin e makinës duke marrë para dhe motorin në të cilin ndodhej çifti Basha.
